जीवनको चक्रव्यूहमा जसको पनि उतार चढाव धेरै नै हुन्छ । यही क्रममा कति कुराहरू समयसँगै बितेर जान्छन् तर कतिपय यस्तो घटना हुन्छ, जो हजार कोसिस गर्दा पनि मानसपटलबाट मरिगए हट्न मान्दैन । त्यस्तै मेरो जीवनमा पनि उतार चढावको शृङ्खला छ, जसलाई हरेक पलमा मैले फेर्ने हरेक सासको एक हिस्सा बनिदिएको छ ।
म सानैदेखि मामा घर बस्थेँ, त्यहीको स्कुलमा पढ्न जान्थेँ । मामा घरको दाजुभाइ, दिदीहरूसँग रमाउँथेँ । मेरो आमा मलाई मामा घरमा राखेर काममा जानु हुन्थ्यो । कामबाट फुर्सद पाउनासाथ मलाई भेट्न आउनु हुन्थ्यो । मामा घरमा मलाई सबैले माया गर्थे, दिदीहरूले त झनै माया गर्नु हुन्थ्यो, त्यहाँ कुनै कुराको कमी थिएन । तर बेला बखतमा आमाको साह्रै याद आउँथ्यो ।
