निस्किँदा एक्लै निस्किए पनि अगाडि भेटिएकासँगको साथले यात्रा खास बन्दो रहेछ। तपाईंहरू कतिले यी महसुुस गर्नु भएको होला या भोग्नु भएको पनि होला।
मलाई यात्रा गर्ने क्रममा सधैं एउटा चिन्ता भनम् या डर या भनौं असजिलोपन- यात्रा गर्दा कस्ता साथी भेटिएलान् हुन्छ।
मिडियामा डेस्कमै काम गर्ने हुँदा बाहिर घुलमिल हुने वातावरण मिल्दैन। त्यसैले बाहिरका मेरा कमै साथी छन्। बेला-बेला बाहिर घुमफिरको लागि प्रस्ताव आउँछ तर त्यही साथी सर्कलको कारणले गर्दा टारिदिन्छु।
यो पटक पनि मलाई त्यस्तै प्रस्ताव आयो। केही समयअघि देखि नै अफिसको सरले घुमफिरको लागि ठाउँको बारेमा भनिसक्नु भएको थियो। बेला-बेला पनि सरले भनिरहनु हुन्थ्यो तर मलाई उही टाउको दुखाइ हुन्थ्यो साथ कस्तो पाइने हो!
जाने दिनको मिति तोकिसकेपछि सरले मलाई फेरि भन्नुभयो। तर यो पटक भने मलाई दोमन भयो।
