नेकपा (एकीकृत समाजवादी) को केन्द्रीय कमिटीको बैठक आज (शनिबार) बस्दै छ।

बबरमहलस्थित कार्की बैङ्कटमा बस्ने बैठकमा स्थानीय तह निर्वाचनको समीक्षा, आगामी कार्ययोजना, सङ्गठनात्मक अवस्था, गठबन्धनलाई आगामी निर्वाचनसम्म कायम राख्ने वा नराख्नेलगायत विषयमा छलफल हुने बताइएको छ।

आइतबारसम्म चल्ने बैठकमा समसामयिक राजनीतिक विषयमा छलफल, जलवायु परिवर्तन, खाद्य सङ्कट र आर्थिक सङ्कटका विषयमासमेत छलफल गरिने तथा जिल्ला, प्रदेशका वस्तुगत अवस्थाको सम्बन्धित नेताबाट रिपोर्टिङ गरिने छ।

पार्टीको प्रचार विभागका उपप्रमुख शम्भु श्रेष्ठले आगामी प्रतिनिधिसभा र प्रदेशसभा निर्वाचनलाई केन्द्रित गरी छलफल गरिने जानकारी दिए।

त्यस्तै, चरम भाडभैलाेकाे अवस्थमा पुगेकाे मन्त्री हेरफेरका विषयमा पनि थप छलफल गर्ने तयारी रहेकाे श्रेष्ठले जानकारी दिए। समाजवादीले आफ्नाे पार्टीबाट मन्त्री बनेकाे मन्त्रीलाई फिर्ता बाेलाएर नयाँ नेतालाई मन्त्री बनाउने निर्णय गरेपनि सहमती नमिल्दा याे विषय गिजाेलिँदै गएकाे छ।