बालेनको लौरोले एमाले-कांग्रेसलाई कसरी हानिरहेको छ ट्वाक्क, ट्वाक्क, ट्वाक्क...?

पहिलोपोष्ट

काठमाडाैँ

काठमाडौं : राष्ट्रिय सभागृहको माहोल काठमाडौं महानगरका स्वतन्त्रतर्फका मेयर पदका उम्मेदवार बालेन साहमय छ। सबैभन्दा ठूलो दल नेकपा (एमाले) र दोस्रो ठूलो तथा सत्ता गठबन्धनको नेतृत्व गरिरहेको दल नेपाली कांग्रेसका कार्यकर्ता समेत खासै छैनन्। त्यसैले गुमनाम लाग्छन् कांग्रेस एमाले। मत गणनामा कांग्रेस एमालेका उम्मेदवारको मत धिमा गतिमा अघि बढिरहेको छ भने बालेनको तीब्र।

बालेनले आग्रत लिएको दृश्य मतगणनास्थलमा मात्रै सीमित छैन्। प्रदर्शनमार्गमा पनि उनको जयजयकार जारी छ। जसरी सभागृहमा मतगणनाको ब्रिफिङ हुँदा 'लौरो' भन्ने आवाज निस्किन्छ त्यसरी नै प्रदर्शनीमार्गमा बालेनको पक्षमा चर्को नारावाजी चर्किहाल्छ। स्क्रिनमा बेला बेलामा आउने मत गणनाको स्कोरले माहोल तताइरहेको छ भृकुटीमण्डपको।

'दलको मेयर आएपछि सबै सखाप पार्छ। स्वतन्त्र भएपछि उसले आफ्नो दल हुन्न अनि भ्रष्टाचार पनि हुन्न,' सभागृह बाहिर चर्चा परिचर्चा यस्तै छ। समर्थकको नारा छ - बालेन साह हाइ हाइ.., काठमाडौंले के भन्छ बालेन साह ल्याउ भन्छ...'

प्रकाशित मिति: : 2022-05-15 17:12:00

प्रतिकृया दिनुहोस्