काठमाडौं । पछिल्लो समय प्रधानमन्त्री शेरबहादुर देउवाको मन्त्रिपरिषद्मा सबैभन्दा विश्वासिला पात्र हुन्, अर्थमन्त्री जनार्दन शर्मा । केपी ओलीका पालामा डा. युवराज खतिवडा भएजस्तै ।
देउवा अहिले सबैभन्दा बढी कुरा उनैका सुन्छन्, विश्वास पनि उनैमाथि गर्छन् । मन्त्रिपरिषद्मा आफ्नै गुटका विश्वासपात्र मन्त्रीका कुरा कम सुन्न थालेका देउवा हिजोआज कतिपय विषय उनीहरु सुनाउने त के सुइँकोसम्म दिँदैनन् ।
त्यसैले चैत २५ गतेको मन्त्रिपरिषदले गभर्नर महाप्रसाद अधिकारीका विषयमा जाँचबुझ समिति बनाउँदा आफ्नै विश्वासपात्र मन्त्रीहरुले पत्तै पाएनन् । बरु शर्मासँग अन्तरंग कुराकानी गर्न रमाउँछन् ।
अर्थमन्त्री जे बताउँछन्, देउवाका लागि सत्य त्यही हो, अरु सबै कुरा झुट । आफ्नै मन्त्रिपरिषद्का सदस्यले दिएका कतिपय सुझाव पनि देउवालाई अप्रिय लाग्न थालेको महिनौं भइसक्यो ।
