प्राचीन नेपालमा सर्वसाधारण नारीहरूको शिक्षामा पहुँचबारे थाहा हुन नसके पनि लिच्छवि, मल्ल र शाह तिनै कालमा राजमाता, राजपत्नी, राजकुमारीहरूलाई शास्त्रीय र राजकाज सम्बन्धी शिक्षा दिने गरिएको पाइन्छ।
लिच्छविकाल
लिच्छविकालमा शिक्षाको स्वरूप दुईथरी देखापरेको छ। एक शास्त्रीय शिक्षा, अर्को व्यावसायिक शिक्षा। वेद, उपनिषद्, पुराण, धर्मशास्त्र, शस्त्रविद्या, ज्यौतिषशास्त्र, आयुर्वेदशास्त्र, व्याकरण, साहित्य आदि विषयको शिक्षा शास्त्रीय शिक्षा अन्तर्गत पर्छन्। आफ्नो कुल परम्परागत पेशागत शिक्षा व्यावसायिक शिक्षाभित्र पर्छ।
