एउटा राम्रो कविता मेरा निमित्त घना अन्धकारका बेला उज्यालो देखाउने फ्ल्यासलाइट हो, उज्यालोको बेला जीवन र जगतलाई हेर्ने प्राकृतिक लेन्स हो, दु:खका बेला त्यो मेरा लागि साहस हो भने सुखका बेला त्यो अरू मानसिसँग संवाद गर्ने सबभन्दा विश्वासिलो उपकरण हो।
फेरि कविता कहिलेकाहीं झुल्किने प्रियसीको यादजस्तो कुनै प्रिय वस्तु हो।
– कवि श्यामल
युरोपले पटक पटक वैचारिक क्रान्ति देखेको छ। फ्रेन्च दार्शनिकहरू त्यसमा अगाडि छन्। अचानक नयाँ लेखनले तीव्रता प्राप्त गर्छ। त्यो लेखनले विश्वलाई क्रमशः प्रभावित गर्छ। हामीमा बेजोड प्रतिभा पनि पुरानो बाटोमा छरिएर सकिन्छ। युवा लेखक अरबिन्द अडिगा हाम्रोजस्तो चरित्रलाई ‘फर्स्ट गियर टाइप’ भनेर लेख्छन् ‘ह्वाइट टाइगर’ पुस्तकमा। प्रारम्भमै तुहिने प्रत्येक प्रयासको अर्को नाम हो त्यो।
