लोकतान्त्रिक समाजवादी पार्टी नेपालका वरिष्ठ नेता राजेन्द्र महतोले संसदीय दलको कार्यालयमा अहिलेसम्म जनता समाजवादी पार्टी नेपालको संसदीय दलकै नेम प्लेट झुण्ड्याइरहेका छन् । जसपाबाट लोसपा अलग भएको पाँच महिनाभन्दा बढी भइसके पनि लोसपाको संसदीय दलको कार्यालयमा राजेन्द्र महतोको कोठा अगाडि ‘जसपा संसदीय दलको नेता’ रहेको नेमप्लेट झुण्डिरहेको हो ।
तत्कालीन राजपा र समाजवादी पार्टीबीच एकीकरण भइ बनेको जसपा विभाजन भइ महन्थ ठाकुर, राजेन्द्र महतो लगायतका नेताले लोसपा नेपाल गठन गरेका हुन् । तर लोसपाको संसदीय दलको कार्यालयमा जसपा र राजपा नेपाल कै नामको नेमप्लेट झुण्डिरहेको छ ।
