घटना २०६५ सालतिरको हो।
बाफलको एउटा विद्यालयमा विद्यार्थीबीच मोबाइलको निहुँमा झगडा हुँदा एक जना विद्यार्थीले आफ्नै सहपाठीको गोली हानेर हत्या गरेको समाचार बाहिरियो।
गोली हान्ने विद्यार्थीलाई प्रहरीले पक्राउ गरिसकेको थियो। मारिने विद्यार्थी हाम्रै सहकर्मीका नातेदार रहेछन्। पारिवारिक डिटेल थाहा भयो।
त्यतिबेला म दैनिकीडटकममा काम गर्थें। पत्रकार गिरिश गिरि मभन्दा सिनियर हुनुहुन्थ्यो। उहाँले यो घटनाको स्टोरी गर्न मलाई भन्नुभयो।
पत्रकारिता गरेको ७ वर्ष भए पनि मैले अपराध तथा सुरक्षाको विषयमा रिपोर्टिङ गरेको थिइनँ। कसरी स्टोरी गर्ने भनेर आइडिया लिन पत्रकार विकास लम्सालसँग कुराकानी गरें। उहाँले मलाई नवराज सिलवालको नम्बर दिनुभयो। सिलवाललाई फोन गरें। फोन उठेन। म महानगरीय प्रहरी परिसर पुगें। साँझ परेकाले उहाँ हिँड्न लाग्नुभएको रहेछ।
