राष्ट्रिय खेलकुद परिषद (राखेप)ले नवनियुत्त सदस्य सचिव टंकलाल घिसिङलाई राष्ट्रिय ओलम्पिक भवनमा स्वागत गरेको छ।
सोमबार ललितपुरस्थित राष्ट्रिय ओलम्पिक भवनमा राष्ट्रिय खेलकुद परिषदका अध्यक्ष जीवनराम श्रेष्ठले परिषदको ब्याच लगाउँदै स्वागत गरेका हुन्।
स्वागत कार्यक्रममा बोल्दै सदस्य सचिव घिसिङले खेलकुद क्षेत्रमा पहिलाका दिनहरूमा भन्दा खेलकुदको स्तर उकासिँदै जाने बताए।
‘खेलकुद परिषदमा धेरै लामो समयसम्म सदस्य सचिव नहुँदा अफ्ठयारो रहेको थियो। अब खेलकुद परिषद म आएकाे छु। यो खुसिको कुरा हो,’ घिसिङले भने, ‘हामी अबका दिनहरुमा ओलम्पिकलाई प्रभावकारी बनाउन तयारीमा रहने छाैँ।’
सदस्य सचिव घिसिङले आउने दिनमा खेलकुद परिषदले ओलम्पिकमा नेपालको नामलाई उच्च बनाउन मेहेनतका साथ अगाडि बढ्ने प्रतिबद्दता समेत जनाए।
घिसिङ गत साेमबार मात्रै परिषद्काे सदस्य सचिवमा नियुक्त भएका थिए।
