राष्ट्रपति रिसेप ताइप एर्दोगानको नेतृत्वमा रहेको टर्की नवीनतम् कूटनीतिक सङ्कटबाट उम्किसकेको छैन। अमेरिका, जर्मनी, फ्रान्स लगायत पश्चिमी जगत्का १० वटा देशसँग झण्डै एक महिनाअघि बिग्रन थालेको सम्बन्ध सामान्य हुन वर्षौँ लाग्ने पर्यवेक्षकको अनुमान छ। किनभने एर्दोगानले २३ अक्टोबरका दिन (६ कात्तिक) उठाएको कदम असामान्य मानिएको छ।
एकैपल्ट १० वटा देशका राजदूतलाई टर्कीबाट निष्काशन गर्ने आफ्नो अठोट सार्वजनिक गर्दै एर्दोगानले त्यस दिन भनेका थिए–‘मैले परराष्ट्रमन्त्रीलाई के निर्देशन दिइसकेँ भने यी १० राजदूतलाई छिटो भन्दा छिटो अवाञ्छित व्यक्ति(पर्सोना नन् ग्राटा) घोषणा गरिदिनू।’ भन्नै परेन, यस्तो कदमले कूटनीतिक जगत्मा तरङ्ग पैदा गर्नु स्वाभाविक थियो।
