'मिस युनिभर्स नेपाल २०२१' को फिनालेमा विजेता घोषित हुनुअघि। दुई जना प्रतिस्पर्धी थिए बाँकी। एक निनाकान्त मण्डल, अर्को सुजिता बस्नेत। दुबै परिचित प्रतिस्पर्धी। किनकि दुबै जना गत वर्ष नै यो ताजका लागि आमनेसामने भएका थिए। जसले सुजिताको धड्कन तेज बनाइरहेको थियो - कतै निनाकान्तले पहिरिने त हैन?
परिणाम जेसुकै होस् - निनाकान्तको हालत पनि त्यस्तै थियो। त्यसैले होला रक्षा उप्रेती सेकेन्ड रनर अप घोषित भएसँगै निनाकान्त सुजितासँगै हेलिन आइन्। आँगलो हालिन्। दुबै अगाडि बढे। दुबैले एक अर्काको हात छाडेनन्।
जब विजेताको नाम घोषणा भयो। एकछिन निकै भावुक बनिन् सुजिता। उनलाई त्यो पल सपनाजस्तै लागिरहेको थियो। भन्छिन्, 'नाम घोषणापछि त मेरो दिमाग नै खाली भएको थियो। एकछिन म निकै भावुक बनेकी थिए। आँशु त्यसै खस्न थाले। कतै सपना त देखिरहेको छैन भएको थियो।'
त्यो दिनमात्र हैन, केही दिनसम्मै आफू 'मिस युनिभर्स नेपाल' बनेको कुरा उनलाई पत्यार लागिरहेको थिएन। जब मिस युनिसभर्स नेपालको विकिपिडिया पेजमा नेपालको झन्डाको छेउमा आफ्नो नाम देखिन्। त्यतिखेर बल्ल निकै खुसी लाग्यो उनलाई। र, मिस युनिभर्स नेपाल भएको भन्ने लागेको उनले बताइन्।
