भक्तपुरको चाँगुनारायण नगरपालिका वडा नं. ९, ताथलीको गणेश माध्यमिक विद्यालयको नाम आउने बित्तिक्कै धेरैको मनमा छाप थियो, ‘शिक्षकहरु समयमा नआउने, समयसम्म नबस्ने, पढाए पनि हुने नपढाए पनि हुने, विद्यार्थीले पढे पनि ठीक, नपढे पनि ठीक, राम्ररी पढाउने स्कुल।’
त्यही छापले गर्दा स्कुल वरपरका स्थानीयसमेत आफ्ना सन्तान अन्यत्र पढ्न पढाउँथे। गणेश माविप्रति स्थानीयको खासै विश्वास थिएन।
तर, अहिले त्यो अवस्था रहेन। अहिले विद्यालयप्रतिको विश्वास बढेको छ, विद्यालयले शैक्षिक र भौतिक क्षेत्रमा कोल्टे फेर्दैछ। यसैले २०७६ सालमा एकसय १७ विद्यार्थी रहेकामा अहिले २ सय ५४ पुगेका छन्, सो स्कुलमा।
