वैज्ञानिक र राजनीतिज्ञहरू जलवायु परिवर्तनका कारण हाम्रो ग्रहले ठूलो सङ्कट भोगिरहेको बताउँछन्।
तर पृथ्वीको तापक्रम बढेको भन्ने प्रमाण के छ र त्यो कसरी मानवका कारण भएको भन्न सकिन्छ?
हाम्रो ग्रह औद्योगिक क्रान्ति सुरु भएयता नै तीव्र गतिमा तात्दै गएको छ।
पृथ्वीको सतहको सरदर तापक्रम सन् १८५० यता १.१ डिग्री सेल्सियसले बढेको छ।
र पछिल्ला चार दशक हरेक अघिल्लो दशकभन्दा तातो रहँदै आएको छ।
यो निष्कर्ष विश्वका विभिन्न भागमा सङ्कलन गरिएका दशौँ लाख तथ्याङ्कको विश्लेषणबाट निकालिएको हो।
जमिनमा, पानी जहाजमा र स्याटलाइटमा रहेका मौसम स्टेशनहरूमा रेकर्ड भएका तापक्रमलाई आधार बनाइएको हो।
