कति राजनीतिक नेताको मात्रै अन्तरवार्ता लिनु ? दसैँका बेला हामी सात्त्विक मानिसका कुरा सुन्न र सुनाउन काठमाडौँको प्रसिद्ध श्री बैंकटेश मन्दिरभित्र छि–यौँ, यो मन्दिर वैष्णव सम्प्रदायमाझ प्रख्यात छ । दसैँको चहल–पहल सुरु भएसँगै यहाँ दैनिकरुपमा नवरात्रको आराधना चलिरहेको छ । सँगसँगै मन्दिर दर्शन गर्न आउने भक्तजनहरूको सङ्ख्या पनि बढ्दै छ ।
कृष्ण जन्माष्टमी, रामनवमी, वामन द्वादशीलगायतका पर्वहरूमा पनि यहाँ विशेष उत्सव हुन्छ । सङ्क्रान्तिको दिन यहाँ भगवान्को स्नान हुन्छ । आजभन्दा झन्डै १२५ वर्षअगाडि गङ्गादेवी र यज्ञप्रसाद (गोविन्दाचार्य) ले आफ्नो निजी जमिनमा यो मन्दिर स्थापना गरेका थिए । २ रोपनी २ आनामा फैलिएको यस मन्दिरको महन्तको जिम्मेवारी अहिले उनीहरूका पाँचौँ पुस्ताका उत्तराधिकारी स्वामी पद्मधराचार्यले सम्हालिरहेका छन् ।
दसैँको महत्त्व र यस मन्दिरको इतिहासबारे रातोपाटीले महन्त पद्मधराचार्यसँग कुराकानी गरेको छ । अन्तरवार्ताका क्रममा महन्तले आफ्नै शैलीमा किंवदन्ती र मिथकहरूसहित रोचक दर्शन सुनाए :
