माधव नेपालसहित १४ जना सांसदलाई पदमुक्त गर्नुपर्ने एमाले अध्यक्ष केपी शर्मा ओलीको मुद्दामा आज सर्वोच्च अदालतमा सुनुवाइ हुँदैछ।
न्यायाधीशद्वय दीपककुमार कार्की र कुमार चुडालको संयुक्त इजलासमा सुनुवाइ हुनेगरी पेसी तोकिएको छ।
माधव नेपालसहित १४ जना सांसदलाई पदमुक्त गर्नुपर्ने माग गर्दै ओलीले सभामुख अग्निप्रसाद सापकोटा र निर्वाचन आयोगलाई विपक्षी बनाई रिट दायर गरेका थिए।
रिटमा सभामुखले एमालेले गरेको कारबाही रोकेको र त्यही आधारमा निर्वाचन आयोगले दल दर्ता गरेको भन्दै कारबाही गरेका १४ सांसदलाई पदमुक्त गरेको सूचना टाँस गर्ने अन्तरिम आदेश दिन माग गरिएको छ।
