गाउँघर र सडकमा जथाभावी फालिएका प्लास्टिकका विभिन्न सामानको पुनः प्रयोग गर्ने गरी एक महिलाको समूहले व्यवसाय नै सञ्चालन गरेको छ।
महिलाले जथाभावी फालिएका प्लास्टिकका सामानबाट चप्पल–जुत्ताको सोल बनाउने र बिक्री गर्ने व्यवसाय सञ्चालन गरेका हुन्। घरको पानी–ट्यांकीदेखि दाँत माझ्ने ब्रससम्ममा प्लास्टिकको प्रयोग भएको र यसलाई जथाभावी फाल्दा वातावरणमा असर परेकाले यसको सही व्यवस्थापनको प्रयास स्वरूप उद्योग तथा व्यवसाय सञ्चालन गरेको उनीहरू बताउँछन्।
सर्लाही हरिवनस्थित उद्योगकी प्रमुख निर्मला देवी भन्छिन्, ‘जता हेर्यो उतै प्लास्टिकका सामग्री जथाभावी फालिएका छन्। यसले एक त गाउँ कुरूप देखिन्छ। अर्को, जब वर्षाको बेला आउँछ, प्लास्टिकले मुहान नै थुनिएर खेत, घर, बाटो सबै डुबानमा पर्छन्।
