आइतबार रातिदेखि भएको भारी वर्षाका कारण काठमाडौंका विभिन्न क्षेत्रमा डुबानमा परेका छन्। 

खोला नाघेर आएको बाढीले बल्खु तरकारी बजारमा करोडौंको क्षति भएको छ। डल्लुस्थित विष्णुमति खोलामा आएको बाढी विभिन्न घरहरुको भित्रका कोठासम्मै पुगेको छ।

यतिबेला उपत्यकामै बाढीका कारण हजारौं नागरिकको जनजीवन प्रभावित बनेको छ। यो समाचार तयार पार्दासम्म करिब ६ सयभन्दा बढी नागरिकको उद्धार गरेर सुरक्षित स्थानमा राखिएको काठमाडौं प्रहरी प्रमुख अशोक सिंहले जानकारी दिए।