काठमाडौंको महाराजगञ्ज चोकमा हेल्मेट नलगाइ मोटरसाइकल चलाइरहेका पूर्व युवराज पारस शाह र ट्राफिक प्रहरीबीच झगडा भएको छ। 

शुक्रबार साँझ बिनाहेल्मेट मोटरसाइकल चलाइरहेका उनलाई प्रहरीले रोकेपछि दुई जनाबीच झगडा भएको हो। 

हेल्मेट नलगाएर मोटरसाइकल चलाएका कारण प्रहरीले सोधखोज गर्ने क्रममा रिसाएका पारस झगडामै उत्रिएका हुन्।

महानगरीय प्रहरी परिसर काठमाडौंका प्रमुख अशोक सिंहका अनुसार पारसले प्रहरीलाई बिना कारण हातपात गरेको त्यहाँका प्रत्यक्षदर्शीले बताएका छन्।

पारस र प्रहरीबीच झगडा भैरहँदा प्रत्यक्षदर्शीले भिडियो समेत खिचेका छन्। जुन अहिले सामाजिक सञ्जालमा देख्न सकिन्छ।