जनता समाजवादी पार्टी (जसपा) को आधिकारिकता विवादमा कार्यकारिणी सदस्य रेशम चौधरी तटस्थ बसेका छन्।
सोमबार दिउँसो हस्ताक्षर सनाखत गर्न डिल्लीबजार कारागारबाट निर्वाचन आयोग पुगेका चौधरी तटस्थ बसेका हुन्।
चौधरीले आफू कुनै पक्षमा नलाग्ने भन्दै मुल पार्टी जसपा भएकाले तटस्थ बस्ने निर्णय लिएका हुन्।
जसपाको आधिकारिकता विवाद टुंग्याउनका लागि निर्वाचन आयोगले हस्ताक्षर सनाखत गर्न सबै केन्द्रीय कार्यकारिणी सदस्यलाई सोमबार बोलाएको थियो। त्यसैको लागि चौधरी कारागारबाट आयोगमा पुगेका थिए।
