अहिलेको सामाजिक सञ्जालमा एउटा फोटो र त्यसबारेका टिप्पणीहरु ‘भाइरल’ भएका छन्।
पहिलोपल्ट प्रधानमन्त्री पदबाट निवृत्त भई सरकारी निवास बालुवाटार छोड्दा आलुमिनियमको एउटा बक्सा, छाता र सुराही आफैँ बोकेर मुस्कुराउँदै अर्को गन्तव्यतर्फ निस्केका कृष्णप्रसाद भट्टराई र बालुवाटार छोड्दाको पीडा, आक्रोश र कुण्ठासँगै आफ्ना समर्थकहरुका साथ तामझामसहित निस्केका केपी ओली ।
ती सँगै राखिएका फोटोका पात्र हुन्।
ओलीका समर्थकहरुले नारा लगाए, ‘माधव नेपाललाई फाँसी दे, प्रचण्डलाई फाँसी दे।’ सर्वोच्च कार्यकारी हैसियतमा रहेका ओलीले न्यूनतम संवेदनशीलता र नागरिक दायित्व समेत प्रदर्शन गरेनन्।
