धमिलो व्यथा कवितामा यो ठुटे अनुहारले
आशङ्का निराशाबाट निस्की बताउँ कसरी
प्यासी बनेकाे तिर्खा यो ठुटे अनुहारले
बोतलको थोपो रक्सी पिई बताउँ कसरी
पीडा पिल्सिएको जीवन यो ठुटे अनुहारले
ढल्कँदै गरेको दिन गनी बताउँ कसरी
मौनताले चिथाेरिएको यो ठुटे अनुहारले
निराशीला पाटाका टुक्रा प्रष्ट पारी बताउँ कसरी
हृदयभरि कालो बादलमा यो ठुटे अनुहारले
थुप्रै शीत भई वर्षीने झरी गरी बताउँ कसरी
झिनो आशामा जहान भोकै यो ठुटे अनुहारले
सुकेको ओठ तेर्साई केही मिलेन भनी बताउँ कसरी
भोक -शोकले मानिस/प्राणीको यो ठुटे अनुहारले
क्षणमै मरिसकेका छाँया बझारी बताउँ कसरी।
