महाधिवेशन नजिकिँदै गर्दा नेपाली कांग्रेसको सभापति पदका आकांक्षी नेताबीचको भेटघाट बाक्लिँदै गएको छ।
उपसभापति विमलेन्द्र निधि, महामन्त्री शशांक कोइराला र नेता प्रकाशमान सिंहले सभापति देउवाको विकल्प खोज्ने भन्दै आपसी छलफललाई तीव्रता दिएका छन्। गएको ११ दिनको अवधिमा उनीहरुले पालैपालो तीनै नेताको घरमा ‘लन्च मिटिङ’ गरे।
उनीहरुले असार ४ गते पार्टी कार्यालय सानेपाबाट भेटघाट सुरु गरेका थिए। यी तीनै जना कांग्रेसको अघिल्लो पुस्ताका नेताका सन्तान हुन्।
तीनै जनाको घरमा एकएक पटक छलफल सकेपछि उनीहरुले दोस्रो चरणको रणनीति बनाउन फेरि जुट्ने समझदारी गरेका छन्।
उनीहरुबीच गत महाधिवेशनमा सभापति उम्मेदवार बनेका बाहेकसँग र केन्द्रीय सदस्यहरुसँग छलफल गर्ने समझदारी बनेको छ। कांग्रेसमा आमन्त्रितसहित अहिले १ सय २५ केन्द्रीय सदस्य छन्।
सभापति शेरबहादुर देउवालको विकल्प खोज्नेगरी तीन नेताले सुरु गरेको यस्तो छलफल अहिले कांग्रेसका अन्य समूहले पनि गरिरहेका छन्।
