म्यान्मार सैन्य हिरासतमा रहेकी अपदस्थ राज्य सल्लाहकार आङ सान सुकीलाई फसाउन 'जुन्ता' प्रशासनले भ्रष्टाचारकाे मुद्दा दर्ता गरेको छ।

प्रजातन्त्रवादी नेत्री सुकीलाई भ्रष्टाचार निवारण धारा (५५)काे आडमा नगद र सुन लिएको गम्भीर आरोप लगाउँदै मुद्दा दर्ता गरिएकाे सैनिकले विज्ञप्तिमार्फत् जानकारी दिएकाे छ।

सैनिक जुन्ताले उनीविरूद्ध अहिलेसम्म सातवटा मुद्दा दर्ता गरेकाे र मुद्दा दर्ता गरिएकाे अदालत कुन हाे भन्ने जानकारीमा नभएकाे वकील मिन मिन साेले बताएकी छन्।

बनावटी भ्रष्टाचारकाे मुद्दाविरूद्ध डटेर अदालतमा बहस गर्ने र त्यसका लागि राम्राेसँग पूर्वतयारी गर्ने गर्ने वकील साेले बताईन्।

सैन्यकाे स्राेतका अनुसार नेत्री सुकीसँगै नेपिडाेका मेयर तथा काउन्सिल अध्यक्ष डा. मयाेआऊ, उपमेयर येमिन ऊ र विकास केन्द्र समितिका मिन तू–लगायतलाई भ्रष्टाचारकाे मुद्दा दर्ता गरिएकाे छ।

यसअघि उनीविरूद्ध अवैध ढंगले सञ्चार–सेट आयात गरेकाे र अशान्ति फैलाएकाे आरोपमा मुद्दा दर्ता गरेकाे थियाे।

नेशनल लिग फर डेमोक्रेसी पार्टीले सुकीलगायतका नेतालाई सैनिक तानाशाहले फसाउन आरोप लगाएको स्पष्ट पारेकाे छ।

म्यान्मारमा सैन्य विमान दुर्घटना, उच्च सैनिक अधिकारीसहित १२ जनाको मृत्यु

आङ सान सुकीलाई सैन्य हिरासतमा आर्थिक अभाव, सरकारी खर्च लिन अस्वीकार

म्यान्मारः तर पनि बाँच्नैपर्ने बाध्यता छ!

जुन्ताको बन्दूकलाई जित्न बन्दूक चलाउन नपरोस् !