धेरैमाथि चम्किलो चन्द्रमा छ
अनि म पृथ्वीमा छु,
माथिको चम्किलो चन्द्रमा हेरेर
तल कल्पनामा डुब्ने गर्छु,
माथि जाउँ,पृथ्वीसँग प्रगाढ प्रेम छ
अझ भनु पुरा पृथ्वी छाेड्नुपर्छ
विर्सिनु पर्छ शितल हावाका वेगहरु
सुन्दर प्रकृतिको परम आनन्द
तर फेरि हरदम मन लागिरहन्छ
चन्द्रमामा पुग्न,उसलाई छुन
त्यहाँका सुन्दर वस्तुहरु नियाल्न
परम आनन्द लिन,
अपसाेच्, म त्यो भागमा उभिएकी छु
जहाँ पृथ्वीमा बस्न पनि सक्दिनँ
चन्द्रमामा पुग्न पनि
पृथ्वीलाई थाहा छैन म माथि जान चाहन्छु
चन्द्रमा निदाएकाे नाटक गरिरहेछ
केही भन्दैन चुपचाप मलाई हेरिरहन्छ।
