काठमाडौँ । पछिल्लो एक हप्तामा नेपालमा कोरोनाभाइरसको संक्रमण डरलाग्दो रुपमा बढेको छ । स्वास्थ्य मन्त्रालयको तथ्यांकअनुसार मात्र सात दिनको अन्तरमा नेपालमा संक्रमण दर ४५.६१ प्रतिशतले बढेको छ ।
गत वैशाख २ गते नेपालमा पीसीआर परीक्षण गर्दा संक्रमण दर १३.६५ रहेको थियो । बुधबार यो बढेर २५.१० प्रतिशत पुगेको छ । अर्थात् हरेक १ सय जनामा पीसीआर परीक्षण गर्दा २५ जना बढीमा संक्रमण पुष्टि भइरहेको छ ।
नेपालमा कोरोनाभाइरसको नयाँ भेरिएन्ट सक्रिय बनेसँगै संक्रमण दर बढेको जनस्वास्थ्यविद्को भनाइ छ । भाइरसको नयाँ भेटिएन्ट पहिलेभन्दा संक्रामक र घातक रहेको अनुसन्धानले देखाएको छ ।
