इन्डियन प्रिमियर लिग (आईपीएल) मा दिल्ली क्यापिटल्सले सानदार जित हात पारेको छ। दिल्लीले पन्जाब किंग्सलाई ६ विकेटले पराजित गर्दै जित निकालेको हो।

दिल्लीले पन्जाबले दिएको १ सय ९६ रनको लक्ष्य १८.२ बलमा ४ विकेट गुमाएर पुरा गर्‍यो।

दिल्लीको जितमा शिखर धवनले सर्वाधिक ९२ रनको अर्धशतकीय इनिङ्स खेले। उनले ४९ बलमा १३ चौका र २ चक्का प्रहार गरे। मार्कस स्टोइनिसले २७, पृथ्वी शाले ३२ तथा कप्तान ॠषभ पन्तले १५ रन बनाए। 

पन्जाबका झेय रिचर्ड्सनले २ विकेट लिए 

अर्शदीप सिंह र रायली मेरेडीथ एक–एक विकेट लिए। 

यसअघि टस हारेर ब्याटिङ थालेको पन्जाबले निर्धारित २० ओभरमा ४ विकेट गुमाउँदै १ सय ९५ रन बनायो। 

पन्जाबकालागि मयंक अग्रवालले ६९ रनको अर्धशतकीय इनिङ्स खेले। उनले ३६ बलमा ७ चौका र ४ छक्कासहित सर्वाधिक ६९ रन प्रहार गरे।

कप्तान लोकेश राहुलले ५१ बलमा ७ चौका र २ छक्का सहित ६१ रन बनाए।

दिपक हुडाले २२, शाहरुख खानले १५ र क्रीस गेलले ११ रन बनाए।

दिल्लीका लुकमन मेरीवाला, कगिसो रवाडा, आवेश खान र क्रिस वोक्सले समान एक–एक विकेट लिए।