नेकपा एमाले कर्णाली प्रदेश संसदीय दलका नेता यामलाल कँडेलको मुख्यमन्त्री बन्ने दोस्रो प्रयास पनि विफल भएको छ।
मुख्यमन्त्री महेन्द्रबहादुर शाहीलाई हटाउन जोडबल गरिरहेका उनको योजना यसपटक पनि सफल हुन सकेन।
असोज २५ गते कँडेलले आफ्नै नेतृत्वमा शाहीविरुद्ध अविश्वासको प्रस्ताव ल्याएका थिए। जुन फिर्ता लिन उनी बाध्य भएका थिए।
शुक्रबार मुख्यमन्त्री शाहीले विश्वासको मत लिँदा विपक्षमा मतदान गरेर शाहीलाई हटाउने मौका पनि उनलाई थियो। तर, शाहीलाई हटाउने कँडेलको योजना नराम्ररी असफल मात्र भएन, आफ्नै दलका सांसदहरुले उनकै ह्विप उल्लंघन गर्ने अवस्था समेत बन्यो।
