बिहीवार दिउँसो १२ बजेर ५७ मिनेटको समयमा कृष्ण आचार्यले आफ्नो फेसबूक वालमा एक तस्वीर शेयर गरे ।
तस्वीरमा दराज अनलाइनबाट सामान किन्दा महिलाको भित्री वस्त्र ‘ब्रा’ आएको देखाइएको थियो ।
उनले तस्वीरको क्याप्सनमा लेखेका थिए, ‘दराज एपबाट स्पिकर अर्डर गरेको महिलाले लगाउने ब्रा ल्याइदिसियो । म के गरुँ ?’
उनको यो स्टाटस केही समयमै भाइरल भयो ।
बुधवार आचार्यले दराज एपमार्फत फेनटेक गेमिङ स्पिकर अर्डर गरेका थिए । जसको मूल्य १ हजार ६६ रुपैयाँ राखिएको थियो ।
दराजले बिहीवार उनलाई सामान त डेलिभरी गर्यो तर महिलाले लगाउने ब्रा पठायो ।
स्पिकर अर्डर गर्दा ब्रा पाएपछि एकातिर अचम्मित बनेका उनले डेलिभरी ब्वाइलाई सामान फिर्ता लैजान भने । तर डेलिभरी ब्वाइले त्यो सामान आफ्नो नभएको भन्दै फिर्ता लान मानेनन् ।
लोकान्तरसँग आचार्यले भने, ‘उनले सामान फिर्ता त गरेनन् तर ढुक्कका साथ कम्पनीले नै आफूलाई सोही सामान पठाएको बताए ।’
डेलिभरी ब्वाइले सामान फिर्ता नलगेपछि तत्कालै उनले कम्पनीको बेवसाइटमा फोन नम्बर खोजे, तर भेटेनन् । पछि फेसबूकबाट कम्पनीलाई फोटोसहित म्यासेज गरे ।
दराजले अटोमेटिक सिस्टममार्फत म्यासेज पठायो, तर थप रेस्पोन्स गरेन । केही समयमै उनको सामान फरक परेको सामाजिक सञ्जालमा भाइरल भयो ।
दराज अनलाइनमा कम्पनीको सम्पर्क नम्बर नभेटेपछि उनले इन्क्वाइरी नम्बर १९७ मा फोन गरी दराजको नम्बर मागे ।
