आर्थिक वर्ष २०७५/०७६ देखि हालसम्म संघीय संसद्का सांसदहरूले औषधि उपचार खर्चबापत ५४ लाख ६० हजार १६ रुपैयाँ बुझेका छन्।
संघीय संसद् सचिवालयले लोकान्तरलाई उपलब्ध गराएको विवरणअनुसार आर्थिक वर्ष २०७७/०७८ को चैत्र १५ गते सम्ममा २ सय ६५ जना सांसदहरूले उक्त रकम बुझेका छन्।
आर्थिक वर्ष २०७५/०७६ देखि २०७६/०७७ सम्म कुल २२८ जना सांसदले ३८ लाख ६८ हजार ८१५ रुपैयाँ बुझेका छन् भने आर्थिक वर्ष २०७७/०७८ को चैत १५ गते सम्ममा २७ जनाले १५ लाख ९१ हजार २०१ रुपैयाँ बुझेका छन् ।
सांसदहरूले एकपटकमा न्यूनतम ५ सय रुपैयाँदेखि अधिकतम २ लाख ५६ हजार १४३ रुपैयाँसम्म बुझेको देखिन्छ । कतिपय सांसदले भने पटक-पटक समेत रकम बुझेका छन्।
.jpg)
