म्यानमारमा पक्राउ परेका एसोसिएट प्रेस (एपी)का पत्रकार थेइन जाव रिहा भएका छन्।
उनलाई रिपोर्टिङको क्रममा फेब्रुअरी २७ मा प्रहरीले रंगुनबाट पक्राउमा गरेको थियो। बुधबार पत्रकार जावसँगै ६ सय प्रदर्शनकारी युवा र विद्यार्थीलाई रिहा गरिएको बर्मेली सञ्चारमाध्यम ऐरावतीले जनाएको छ।
म्यान्मारमा गत फेब्रुअरी १ मा सैन्य 'कू' भएयता ४४ जना पत्रकार पक्राउ परिसकेका छन्। तीमध्ये २३ पत्रकार रिहा भएपनि झण्डै तीन दर्जन सैन्य हिरासतमै छन्।
सैन्य सरकारले म्यान्मारका पाँचवटा मिडियाको अनुमतिपत्र खारेज गर्नुका साथै सरकारविरुद्ध आन्दोलनमा उत्रेएका २७० जनाभन्दा बढीको मृत्यु भइसकेको छ।
