काठमाडौंको चाल्नाखेलमा २ जना पुरुष मृत फेला परेका छन्।
काठमाडौं प्रहरी प्रमुख एसएसपी अशोक सिहंका अनुसार शुक्रबार दिउँसो चाल्नाखेलको जंगलमा मृत्त अवस्थामा २ जनाको शव फेला परेको हो।
मृतकको अहिलेसम्म सनाखत हुन नसकेको एसएसपी सिहंले बिएल नेपाली सेवालाई जानकारी दिए।
'जंगलमा २ जना पुरुष मृत फेला परेका छन्। उनीहरुको सनाखत हुन सकेको छैन। हामी चिकित्सकसहित घटनास्थलमा खटिएका छौं, अनुसन्धान हुँदैछ,' एसएसपी सिंहले भने।
मृतक २ जनाले विष सेवन गरेको हुनसक्ने प्रहरीकाे अनुमान छ।
मृतकको मुखबाट र्याल निस्केको र घटनास्थलबाट खाली विषादीकाे बट्टा फेला परेको प्रहरीले जनाएको छ।
