नेपालबाट सीधै भर्ती गरिने गोर्खा सैनिकहरूले ब्रिटेनको सेनामा दुई सय वर्षभन्दा बढी सेवा गरेका छन्।
बहालवाला सैनिकहरू कोरोनाभाइरस विरुद्धको लडाँइमा स्वाब परीक्षण र नाइटिङ्गेल अस्पताल निर्माणमा मद्दत गरिरहेका छन्।
तर गोर्खा सैनिकको एउटा पुस्ता महामारीबाट नराम्ररी पीडित भएको बताउँछ।
पूर्वगोर्खा सैनिक तथा अभियानकर्ता ज्ञानराज राई आफूले संयुक्त अधिराज्यभरि कोभिड-१९ का कारण ज्यान गुमाएका सयभन्दा बढी अवकाशप्राप्त गोर्खा र उनीहरूका परिवारलाई चिनेको बताउँछन्।
'अन्तिम संस्कार हुनसकेको छैन'
"मैले चिनेका कतिपय व्यक्तिको अन्तिम संस्कार अझै हुनसकेको छैन। यो एकदमै पीडादायी अवस्था हो।"
कृष्ण गुरुङले गोर्खा राइफल्स रेजिमेन्टमा १६ वर्ष बिताएका थिए
छैटौँ गोर्खा राइफल्समा १६ वर्ष काम गरेका कृष्ण गुरुङले आफ्नो परिवारका लागि लकडाउनको अवधि कष्टकर बनेको बताए।
