हेटौडामा आजदेखि नगर कप पुरुष तथा महिला भलिबल प्रतियोगिता आयोजना हुदैछ। केशवलाल श्रेष्ठ स्मृति प्रतिष्ठानको आयोजनामा हुन लागेको प्रतियोगिता फागुन २२ चल्नेछ।
विसं २०७२ को विनाशकारी भुकम्पमा परी निधन भएका नेपाली खेलकुद क्षेत्रका सुपरिचित व्यक्तित्व केशवलाल श्रेष्ठले खेल क्षेत्रमा पुर्याएको योगदानको कदरस्वरुप प्रतिष्ठानले विगत तीन वर्षदेखि हेटौँडा उपमहानगरपालिकासँगको सहकार्यमा प्रतियोगिताको आयोजना गर्दै आएको छ।
हेटौँडा–४ लोकतान्त्रिक चौरमा हुने प्रतियोगितामा महिलातर्फ १० र पुरुषतर्फ १३ टोलीको सहभागितामा रहनेछ। प्रतियोगिताका विजेता तथा उपविजेताले क्रमशः रु ५० हजार र ३० हजार पुरस्कार, शिल्ड, मेडल तथा प्रमाणपत्र प्राप्त गर्नेछन्।
