बालाजु बाइपास सडकमा विरोध गर्दा पक्राउ परेका अभियन्तालाई थप पाँच दिन हिरासतमा राख्न जिल्ला प्रशासन काठमाडौंले अनुमति दिएको छ।
पक्राउ परेको अभियन्ता तथा स्थानीयहरुलाई थप पाँच दिन हिरासतामा राख्न सोमबार अनुमति दिएको प्रमुख जिल्ला अधिकारी कालीप्रसाद पराजुलीले जनाकारी दिएका छन्।
गत बुधबार बाइपास सडकमा काठमाडौं महानगरपालिकाले सूचना केन्द्र बनाउन लागेको बार भत्काएपछि उनीहरुलाई प्रहरीले नियन्त्रण लिएको थियो।
स्थानीय मीनबहादुर शाही, महेश्वर मानन्धर, सञ्जय तामाङ, दिपेन श्रेष्ठ, भीमदेव श्रेष्ठ र रूचित श्रेष्ठलेलाई प्रहरीले पक्रउ गरेको हो।
अभियन्ताहरुले पक्राउ परेकाहरूसँग भेट्नेक्रममा नेपाल भाषामा कुरा गरेका थिए। सोही क्रममा प्रहरीले नेपाल भाषा नबोल्न भनेपछि कार्यालयमा विवाद भएको थियो।
त्यसपछि उनीहरुलाई अभद्र व्यवहारको मुद्दा चलाएर हिरासतमा राखिएको छ। पाँच दिनको म्याद सोमबार सकिएको थियो।
