मोरङको उर्लाबारीमा शनिवार साँझ स्कुटर र ट्रक एक आपसमा जुद्धा दुई जनाको घटनास्थलमै मृत्यु भएको छ।

उर्लाबारी- ४ भद्रमारीस्थित राजमार्गमा साँझ ७ बजेर ३५ मिनेटमा दुर्घटना हुँदा स्कुटरमा सवार उर्लाबारी ८ सिसौलीका २३ वर्षे प्रदीप धामी र सोही ठाउँका २२ वर्षे सुदीप भुजेलको भृत्यु भएको ईलाका प्रहरी कार्यालय उर्लाबारीका प्रहरी निरीक्षक उद्धब पोखरेलले जानकारी दिए।

प्रदेश १–००१क १०३५ नम्बरको पूर्व तर्फ जाँदै गरेको ट्रकले विपरित दिशाबाट आएको को ३१ प ५१ नम्बरको मोटरसाइकललाई ठक्कर दिँदा उनीहरुको मृत्यु भएको हो। ट्रकका चालक र ट्रकलाई प्रहरीले नियन्त्रणमा लिएको छ।