प्रमुख सत्तारुढ दल नेपाली कांग्रेसको १४ औं महाधिवेशन अन्तर्गत प्रदेश अधिवेशन भोलि हुँदैछ।
मंसिर ३ गते हुने प्रदेश अधिवेशनमा मोरङ क्षेत्र ३ (क) को उपसभापति पदमा युवा नेता अनुप योन्जनले आफ्नो उम्मेद्वारी दिएका छन्।
'मेरो उम्मेद्वारी पदको लागि नभएर विकास र परिवर्तनको लागि हो,' योन्जनले भने, 'पार्टीलाई विधान र पद्धति अनुसार चलाउन मलाई विजयी गराउनुहोस।'
पिएलटिभि अनलाइन डटकमको प्रबन्धक निर्देशक समेत रहेका योन्जनले राष्ट्रको स्वतन्त्रता, स्वाभिमान र प्रजातन्त्रको रक्षा गर्न आफू प्रतिवद्वता रहेको समेत बताए।
कांग्रेसको १४ औं महाधिवेशन अन्तर्गत मंसिर ३ गते प्रदेशसभा अधिवेशन, ६ गते संघीय निर्वाचन क्षेत्र अधिवेशन, १० गते जिल्ला अधिवेशन, १६ र १७ मा सात वटै प्रदेशको अधिवेशन र २७ गतेदेखि पौष १ गतेसम्म केन्द्रीय महाधिवेशन हुँदैछ।
