पूर्व मिस एसिया प्यासिफिक तथा अभिनेत्री दिया मिर्जाले सोमबार दोस्रो बिहे गरेकी छिन्।
हिन्दु परम्पराअनुसार व्यापारी वैभव रेखीसँग उनको मुम्बईस्थित घरमा दोस्रो बिहे भएको हो। वैवाहिक कार्यक्रममा परिवारका सदस्य तथा केही साथीमात्र सहभागी थिए। दिया र वैभव दुवैको दोस्रो बिहे हो।
२०१४ मा दियाले आफ्नो साक्षेदार व्यापारी साहिल संघासँग बिहे गरेकी थिइन। उनीहरू २०१९ मा छुट्टिएका थिए। यस्तै, वैभवको पहिलो बिहे योग तथा लाइस्टाइल प्रशिक्षक सुनैनासँग भएको थियो। दुवैको एक–एक वटा छोरी छन्।
दियाले सोसल मिडियामार्फत आफ्नो बिहेको जानकारी दिइन। दियाको पछिल्लो फिल्म तपसी पन्नु अभिनित ‘थप्पड’ थियो। जसमा उनले शिवानी नामको एउटा केटीको अभिनय गरेकी थिइन।
२०१९ मा दियाले डिजिटल डेब्यु पनि गरेकी थिइन। उनी वेभ सो ‘काफिर’ मा कायनात अख्तरको भूमिकामा देखिएकी थिइन।
