अख्तियार दुरुपयोग अनुसन्धान आयोगले घुस लिएको आरोपमा दुई जनालाई पक्राउ गरेको छ।
काठमाडौंको बबरमहलस्थित आपूर्ति तथा उपभोक्ता संरक्षण विभागका नायव सुब्बा (नासु) नरेन्द्र चन्दसहित लेखापढी व्यवसायी रामबाबु दाहाललार्ई अख्तियारको टोलीले नियन्त्रणमा लिएको हो।
शेयर पुँजी बढाएको प्रमाण पत्रका लागि सेवाग्राहीसँग ८ हजार रुपैयाँ घुस लिएको आरोपमा उनीहरुलाई नियन्त्रणमा लिएको आयोगका प्रवक्ता नारायण प्रसाद रिसालले जानकारी दिए।
दाहालले सेवाग्राहीसँग ८ हजार रुपैयाँ घुस लिएर नासु चन्दलाई दिइसकेको अवस्थामा आयोगको टोलीले विभाग परिसरबाट दुवै जनालाई नियन्त्रणमा लिएर अनुसन्धान अघि बढाएको छ।
