प्रस्तुति: तुल्सीराम खनाल
म्यान्मारमा सेनाले सत्ता हत्याएको विरोधमा दशौँ हजार मानिस आन्दोलित छन्। उनीहरूले देशमा प्रजातन्त्र पुनर्स्थापनाको माग गरिरहेका छन्।
सेनाको नियन्त्रणमा रहेकी नेशनल लिग फर डेमोक्रेसीकी सर्वोच्च–नेत्तृ आङ सान सु कीलगायतका प्रजातन्त्रवादी नेताहरूको रिहाइको माग गर्दै दिनहुँजसो सडकमा प्रदर्शन भइरहेका छन्।
सैन्य 'कू' विरुद्ध जारी आन्दोलन म्यान्मारका युवापुस्ताको भविष्यसँग जोडिएको बर्मेली नेपाली शारदा सुवेदीले बताइन्।
गोर्खाली (नेपालीभाषी) हरू पनि सैन्य तानशाही विरुद्ध लड्नुपर्ने उनको भनाइ छ। सुवेदीले भनिन्, 'देश इतिहासको नयाँ मोडमा आइपुगेको छ।'
सुवेदीले म्यान्मारमा सेनाको अधिनायकवादी शासन सुरु भएको बताइन्। 'कुन पुस्तासम्म पूर्खाको बलिदानमा गौरव गरिरहने ? डराइ–डराइ जिउनुलाई जीवन भनिँदैन', बर्मेली नेपाली समाजलाई सुवेदीले प्रश्न गरिन्।
हेर्नुहोस् बर्मेली नेपाली शारदा सुवेदीको 'भिडियो सन्देश' :
