म्यानमारमा गत साता सैन्य कू भयो। तत्काल त्यसको भर्त्सना नगरेकोमा जो बाइडेनको निन्दा गर्नुस्। अथवा, सर्वसत्तावादी शासकहरुलाई उत्प्रेरित गरेको दोष डोनाल्ड ट्रम्पलाई दिनुस्। म्यानमारमाथिको प्रतिबन्ध हटाएकोमा बाराक ओबामालाई गाली गरे पनि हुन्छ। त्योभन्दा सजिलो– सैन्य सरकारको समर्थन र जनताभन्दा बढी नाफालाई प्राथमिकता दिएकोमा चीनलाई दोष दिनुस्।
अन्तर्राष्ट्रिय न्यायिक अदालतले म्यानमारमा अल्पसंख्यक रोहिन्ज्या मुस्लिमहरुमाथि नरसंहार भइरहेको हुनसक्ने चेतावनी दिएको थियो। तर, कसैको पनि रक्षा गरिएन। के गर्ने भन्ने विषयमा संयुक्त राष्ट्रसंको सुरक्षा परिषदमा सदस्य राष्ट्रहरुले अन्तहीन छलफल गरे। दोषको भागिदार आङ सान सू ची पनि हुन्। पहिले नोबेल शान्ति पुरस्कार जितेर नायिका बनेकी उनले पछि सैन्य दमनको प्रतिरक्षा गरेर गद्दारी गरिन्।
