कोभिडका कारण ठप्प भएको लामो दूरीका सार्वजनिक यातायातको व्यवसाय राजनीतिक गतिविधि बढेसँगै बढेको छ।
पुस ५ गते प्रधानमन्त्री केपी शर्मा ओलीले संसद् विघटन गरेसँगै दलहरुको विरोध तथा समर्थनमा मानिस जुटाउनको लागि सार्वजनिक यातायातको प्रयोग बढेको छ।
कोभिड १९ का कारण ७ महिना ठप्प रहेको सार्वजनिक यातायात सभा÷सम्मेलनले मानिसको आउजाउ बढाएको छ।
अहिले आफ्नो पक्षमा बढी जनसमर्थन देखाउनको लागि नेकपाको प्रचण्ड–माधव समूह र ओली समूहले देशभरबाट सर्वसाधारणलाई ल्याएर सभा सम्मेलन गर्दै आएका छन्।
देशभरबाट मानिस ल्याउनको लागि नेताहरुले बढी सार्वजनिक यातायात ‘रिजर्व’ गरेर ल्याउने गरेका छन्। ओली समूहले शुक्रबार काठमाडौंमा गरेको आम सभामा जिल्ला जिल्लाबाट मानिस ल्याइएका थिए।
यसको लागि सबैभन्दा बढी सार्वजनिक यातायात प्रयोग भएको देखिन्थ्यो। उक्त समूहले रिजर्भमा ल्याएका बस माइतीघरदेखि भद्रकाली, त्रिपुरेश्वर हुँदै टेकुसम्म पार्किङ गरेका थिए।
