प्रधानमन्त्री केपी शर्मा ओलीको सिफारिसमा ५ पुसमा प्रतिनिधिसभा विघटन भएयता लेखक, कलाकार, पत्रकारलगायत विभिन्न पेशामा आबद्ध बुद्धिजीवि तथा सर्जकहरु आन्दोलनमा छन् । प्रजातान्त्रिक मुल्य–मान्यताको वेवास्ता गर्दै प्रधानमन्त्रीले गैर–संवैधानिक कदम चालेर देशलाई प्रतिगमनको खाडलमा खसालेको उनीहरुको आरोप छ । बृहद नागरिक आन्दोलनको ब्यानरमा संगठित भएका बुद्धिजीविहरुले यस अवधिमा काठमाडौंमा १० वटा कार्यक्रम गरिसकेका छन् । मंगलबार सहिद दशरथ चन्द र गंगालाल श्रेष्ठलाई फाँसी दिइएको स्थल शोभा भगवतीमा भेला भएर उनीहरुले आन्दोलनको नयाँ कार्यक्रम घोषणा गरेका छन् । जसअनुसार, ७ फागुन अर्थात् प्रजातन्त्र दिवसको अवसरमा टुँडिखेलमा बृहद नागरिक भेला आयोजना गर्दै नागरिक समाजको घोषणापत्र सार्वजनिक गर्ने तयारी छ ।
नागरिक आन्दोलन कसरी अघि बढ्दैछ ? २०६२–६३ सालपछि लामो समयसम्म सेलाएको नागरिक आन्दोलन अहिले एकाएक जर्मुराउनुको अन्तर्य के हो ? सरकार र दलहरुले जनआकांक्षा पूरा गर्न नसकेका बेला नागरिक समाजको भूमिका कस्तो रहन्छ ? यी र यस्तै विषयमा नागरिक समाजका अभियन्ता तथा सर्जकहरुका धारणा यस प्रकार छन् :
