नेपाल र भारतका विदेशमन्त्रीहरूको शुक्रवार दिल्लीमा भएका बैठकमा सीमा विवादकाबारे कुरा उठेको र कोरोनाभाइरस विरुद्धको खोपका बिषयमा नेपालको 'आशा अनुरुपको आश्वासन' भारतबाट पाइएको दिल्लीस्थित नेपाली राजदूतले बीबीसीलाई बताएका छन्।
राजदूत नीलाम्बर आचार्यले भारतबाट नेपालले 'शीघ्र' खोप पाउनेबारे आश्वासन पाएको बताए।
उनले भने: "नेपालमा सुरुवाती चरणकै लागि भारतबाट खोप उपलब्ध हुनेछ।"
सुरुवाती चरणमा अग्रमोर्चामा काम गर्ने ३ प्रतिसतका लागि नेपालले खोप ल्याउन चाहेको र त्यो मात्रा नेपालमा मौजुदा भण्डारण क्षमताले धान्ने अधिकारीहरूले बताउने गरेका छन्।
