नेपालका लागि चिनियाँ राजदूत होउ यान्छीले नेकपा (प्रचण्ड)का अध्यक्ष माधवकुमार नेपाल र स्थायी समिति सदस्य कृष्णबहादुर महरालाईसँग भेटवार्ता गरेकी छन्।
अध्यक्ष बनेको दोस्रो दिन शुक्रबार नेपाललाई भेट्न राजदूत यान्छी उनकै निवास कोटेश्वर पुगेकी हुन।
उनीहरुबीच शिष्टाचार भेटवार्ता भएको नेकपाका केन्द्रीय सदस्य विष्णु रिजालले जानकारी दिए।
भेटका अवसरमा उनीहरूबीच दुई मुलुकका आपसी हितका विषयमा छलफल भएको उनले जानकारी दिए।
यस्तै उनले महरालाई भेट्न महरा निवासमा पुगेकी थिइन्।
यसअघि राजदूत यन्छीले बिहीबार खुमलटार पुगेर नेकपा (प्रचण्ड) अध्यक्ष पुष्पकमल दाहालसँग भेटवार्ता गरेकी थिइन्।
त्त्यसअघि उनले प्रतिनिधि सभा विघटनलगत्तै राष्ट्रपति विद्यादेवी भण्डारीसँग पनि भेटवार्ता गरेकी थिइन्।
