वेस्ट ह्याम युनाइटेडले इंग्लिस प्रिमियर लिगमा लिड्स युनाइटेडमाथि उसकै मैदानमा २–१ को पूनरागमन जित निकालेको छ।
इललान्ड रोड लिड्समा शुक्रबार राति भएको खेलमा एक गोलले पछि परेको अवस्थामा वेस्ट ह्यामले जित निकालेकाे हाे।
घरेलु टोलीले खेलको चौथो मिनेटमा बामफोर्डलाई पेनाल्टी बक्समा गोलरक्षक लुकास्ज फावियान्स्कीले लडाएपछि प्राप्त पेनाल्टी प्राप्त गरेकाे थियाे।
जसलाई मेटअस्ज क्लिचको नै पेनाल्टीमा गोलरक्षकले लाइन क्रस गरेपछि रि पेनाल्टीमा क्लिचले नै गोल गर्न सफल भए।
२५औं मिनेटमा टोमास सौसेकले जारोड बोवेनको पासमा गोल गर्दै खेललाई १–१ गोलको बराबरीमा ल्याए।
८०औं मिनेटमा एन्जेलो ओग्वोन्नाले आरोन क्रेसवेलको पासमा गोल गर्दै वेस्ट ह्यामलाई २–१ को अग्रता दिलाए।
जितसँगै वेस्ट ह्याम १२ खेलबाट २० अंक जोडेर पाँचौ स्थानमा उक्लदा लिड्स १४ अंकसहित १४औं स्थानमा रहेको छ।
.JPG)
