क्यानडाले पनि अमेरिकी कम्पनी फाइजरले बनाएको कोरोनाविरुद्ध खोप प्रयोगका लागि अनुमति दिएको छ।
बेलायतपछि क्यानडाको स्वास्थ्य नियामक निकायले फाइजर–बायोएनटेकले संयुक्त रूपमा बनाएको खोपलाई अनुमोदन गरेको हो।
परीक्षण क्रममा फाइजर - बायोएनटेकले विकास गरेको खोप ९५ प्रतिशत प्रभावकारी देखिएको भन्दै प्रयोगका लागि अनुमति मागेको थियो।
क्यानडाका प्रधानमन्त्री जस्टिन ट्रुडोले अब यसै महिना देशमा २ लाख ४९ हजार डोज खोप उपलब्ध हुने बताएका छन्।
