साउथह्याम्टनले इंग्लिस प्रिमियर लिगमा ब्राइटनमाथि पूनरागमन जित हात पारेको छ।
दि अमेरिकन एक्सप्रेस कम्युनिटी स्टेडियम फाल्मेर इस्ट सससेक्समा सोमबार राति भएको खेलमा साउथह्याम्टनले ब्राइटनलाई उसकै मैदानमा २–१ ले पराजित गरेको हो।
साउथह्याम्टनको जितमा जान्निक भेस्टरगाआर्ड र ड्यानी इंग्सले गोल गरे। घरेलु टोलीका लागि पास्कल ग्रसले गरेको गोल सान्त्वना बन्यो।
खेलको २६औं मिनेटमा ड्यानी वेलवेकलाईै पेनाल्टी बक्समा जेम्स वार्ड प्राउसले लडाएपछि घरेलु टोली ब्राइटनले पेनाल्टी पायाे।
जसलाई पास्कल ग्रसले गोल गरे।
४५औं मिनेटमा जान्निक भेस्टरगाआर्डले जेम्स वार्डको पासमा गोल गर्दै खेललाई पहिलो हाफमा १–१ गोलको बराबरीमा ल्याए।
८१औं मिनेटमा ड्यानी इंग्सले पेनाल्टीमा गोल गर्दै साउथह्याम्टनलाई २–१ को अग्रता दिलाए। सोली मार्सले पेनाल्टी बक्समा भेस्टरगाआर्डलाई लडाएपछि रेफ्रीले भिएआरको सहायता लिदै पेनाल्टी प्रदान गरेको थियो।
जितसँगै साउथह्याम्टन ११ खेलबाट २० अंक जोडेर पाँचौ स्थानमा उक्लिएको छ। पराजित ब्राइटन १० अंक जोडेर १६औं स्थानमा रहेको छ।
