नेपालमा पछिल्लो २४ घण्टामा थप १ हजार ९ सय ८० जनामा कोरोना संक्रमण पुष्टि भएको छ।
१० हजार ३ सय ८१ पीसीआर परीक्षण गर्दा उनीहरुमा काेराेना पुष्टि भएकाे स्वास्थ्य तथा जनसंख्या मन्त्रालयले जनाएको हाे।
मन्त्रालयका अनुसार सोमबार नयाँ थपिएकासँगै नेपालमा कोरोना संक्रमितको संख्या २ लाख २२ हजार २ सय ८८ पुगेको छ।
यसैगरी पछिल्लो २४ घण्टामा कोरोनामुक्त भएर ३ हजार ४३ जना डिस्चार्ज भएका छन्। नेपालमा हालसम्म कोरोनामुक्त हुनेको संख्या २ लाख २० हजार ६७ जना पुगेको छ।
यस्तै देशभरि सक्रिय संक्रमितको संख्या हालसम्म १८ हजार ८ सय ८४ रहेकाे मन्त्रालयलले जनाएकाे छ।
हालसम्म क्वारेन्टाइनमा रहनेको संख्या ६ सय २९ जना रहेका छन्। मन्त्रालयका अनुुसार हालसम्म पीसीआर विधिबाट १६ लाख ७० हजार ४५६ परीक्षण गरिएका छन्।
त्यस्तै पछिल्लो २४ घण्टामा नेपालमा थप १६ जनाको कोरोना संक्रमणबाट मृत्यु भएको मन्त्रालयले जनाएको छ। योसँगै नेपालमा कोरोना संक्रमणबाट मृत्यु हुनेको संख्या १३ सय ३७ पुगेको छ।
