नेपालमा पछिल्लो २४ घण्टामा १६६९ जनामा कोरोना भाइरस संक्रमित थपिएका छन्।
८ हजार ३२ जनामा गरिएको पीसीआर परीक्षण गर्दा उनीहरुमा संक्रमण पुष्टि भएकाे स्वास्थ्य तथा जनसंख्या मन्त्रालयले जनाएकाे छ।
संक्रमितमध्ये काठमाडौं उपत्यकाका ९५७ जना रहेका छन्।
योसँगै नेपालमा हालसम्म कोरोना संक्रमितको संख्या २ लाख २० हजार ३०८ पुगेको छ।
मन्त्रालयका अनुसार हालसम्म पीसीआर विधिबाट १६ लाख ६० हजार ७५ परीक्षणहरु गरिएका छन्।
२४ घण्टामा जम्मा ८ हजार ३२ पीसीआर परीक्षण भएका छन्। देशभरी सकृय संक्रमितको संख्या हालसम्म १९ हजार ९६३ छ भने हालसम्म क्वारेन्टाइनमा रहनेको संख्या ६८६ जना रहेका छन्।
सक्रिय संक्रमितको संख्या १९ हजार ९६३ रहेको छ।
यस्तै पछिल्लो २४ घण्टामा कोरोना संक्रमणमुक्त हुनेको संख्या ५ हजार ६९९ रहेको छ।
हालसम्म संक्रमणमुक्त हुनेको संख्या १ लाख ९९ हजार २४ रहेको छ।
त्यसका साथै २४ घण्टामा कोरोना संक्रमणबाट १६ जनाको मृत्यु भएको मन्त्रालयले जनाएकाे छ।
हालसम्म नेपालमा कोरोनाबाट मृत्यु हुनेको संख्या १ हजार ३२१ पुगेको छ।
